Ka yalang wa kyrpang kawa tip kam ka 69th Plenary yong ka North Eastern Council kawa da wai da u Union Home Minister, Amit Shah ynnin ka 23 tarik da poi ko cha wakut ynne ka sngi.
Ha kini ki arsngi da yaklam wow pynku pynroi liang wanang yaka thaaiñ Northeast wei wow booddien yaki kaam kiwa da pynkreh, deiwa pait leh ha kiwon ki thaw wa daw ye u pynku deiwa pynchlur wow wan seiñ khih wei hadooh katwon wa suk wow seiñ khih. Da yaklam leh yaki kaam pynroi kiwa yatoh wa kitu kiwa yieñ pyn haki yong ki hi ki kjat, ki luti syngkieñ wa kiwi kiwi de ki kaam wa yatoh waka Northeast.
Hawa klam ha i bynta pynkut, u Union Minister of State (Independent Charge), Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh da pynkynmoo u yei thong u Prime Minister Narendra Modi wow pynku pynroi yaka thaaiñ Northeast yow poi ko ha ki jooh ki kyrdan wa kiwi ki jylla kiwa da dep heh da dep san.
U Dr. Jitendra Singh da ong u wa ka Northeast da em ko haka luti wow poi cha i roi i paar hapoh i yahkhmat u Prime Minister ha kini ki 6-7 snem heiwa u Modi da yooluti u chiboon wei da ye wow leh ya ini deiwa ngait wa waroh ki jylla u ya krehlang ki kamjooh ki chnat krehkaam namo ki Ministry ka sorkar pyrdi.
Chooh chooh da ong u wa ka thaaiñ Northeast daw yahkhmat ko yei parom i roi i paar ka ri, wei manda thooh ka pyrthai ya ki laad pynku yaka khayi pateiñ hadien wa kut ka khlam, kani ka thaaiñ daw man ko kawa ka-it ki bru wow leh yaka khayi pateiñ hadien u COVID-19 heiwa ki chken ki siej daw man ki ki chrot wow pynku yei yoh i kot. Da phah u leh ya waroh ki jylla wow man ki kiwa pynkhreh wow chim-kabu ya ini waroh.
Da phah u leh yaki jylla wow pynemkaam bha yaka poisa wa da e daka sorkar pyrdi.
