Ampati: Ka Grassroot Football Centre neibynta ka South West Garo Hills District hapoh yong ka Mission Football ka jylla da wai ya ka ynnin ka 18 tarik da u montri rangbah ka jylla u Dr. Mukul Sangma ha Ampati Student’s Field hei emlang u MLA ka Salmanpara u Winnerson Sangma.
Kani ka Centre toh kawa ar na ki chiphaw tylli kiwa da booh thong wow booh da ka sorkar jylla, ha Diki Bandi Stadium, West Garo Hills, Tura. Kani ka thaw u man ko kam kawi na ki thaw wow ye u tipmit ya kiwa em ka sap ha ka yalehke Footbaal nadooh dang khian i rta.
Ka sorkar jylla da sdang ko ya ka Mission Football ha kani ka 21 Naiynñiaw uni u snem dei thmu wow kyntu kynrong ya ka kaam yalehke football hapoh ka jylla hapoh san snem.
Ha kani ka sngi da em ka yalehke yong lok hapyrdi ka dhab u Bhaichung Bhutia ka Royal Sikkum United Football Club pyrchah ya ka Garo Hills XI heiwa ka yalehke da man ko kawa ya draw 1-1 wei da em leh ki kaam pynwyrngia ha kani ka sngi.
Hei klam hajrong ka Mission Football, u Dr. Sangma da ong u wa ka yalehke hi kawa em ka thong kawa khooid kawa wanrah ya i ya tylli toh ka yalehke kawa miat wa bha. Kani ka Mission ka thong yong ka toh wow tipmit ya kiwa em i sap ha kani ka yalehke nadooh dang khian i rta.
Da kyntu u leh ya waroh wow e mynsien wei wow pynchlur ki ya ki khynnah kiwa em ka sap ha kani ka jait yalehke.
Kiwi kiwa da klam ha kani ka sngi toh ka Director, Sports and Youth Affairs ka Matsiewdor War Nongbri.
Discussion about this post