Hadien lephaw snem wai yow mot sahkynmoo u woh Tep Kyndait

Jowai : Deilangær jooh yoo i ya u mot wa em ha ka laad wow psiah cha ka chnong Tuber Kmaichnong wei jooh yoo i ya uwi u mot uwa ym jooh tip ware i chaphang yong oo.

Ynne ka sngi da wiar lut ini i angnood wow tip ya uni u mot hadien wa da wai paidbah ya oo ynne ka sngi da u President ka Seiñraij Tuber u ma Helpful Phawa ha ka yalang wa tbian wei da tip ya uni u not kam u Mot u Woh Tep Kyndait. Da pyllait u leh ya ka kot kawa da e pyrtuid kam ka ‘Ka parom ka Bahkhla wa ka Thma Nongsyntoiñ.

Ha kani ka yalang da embynta u President ka BJP u ma C. Lyngdoh, u ma O Kyndait, ki heh ki sian ka Seiñraij Tuber wa kiwi kiwi.

Related posts

Phooh phieñ ka Behdieñkhlam 2025 ka Raij Ialong | Rs. 10 lak yoh yarap yow chna ya ka yung Seiñraij

August 7, 2025

Khut sñiawbha ka Seiñraij Muthlong cha ka lehniam Behdieñkhlam 2025

August 4, 2025

Ha kani ka sngi da yoh leh u sakhi ya ki Chaad wa ha rukom kam ki Chaad sukra, Chaad pastieh wa kiwi kiwi kiwa da pynkhreh da ki khon ka chnong Tuber.

Da khana wa ya uni u not u woh Tep Kyndait da chimpor wow pyndep hadooh palat 30 snem nadooh wa sdang hadooh wow wai ya oo ynne ka sngi hei lut kamwa T. 37.5 lak wei jrong u kamwa 72 phut.

U Tep Kyndait u Khlawait ka Tuber toh uwa yieñ pyrchah ya u Syiem Jaiñtia u Amratap Sing hadien wa phah kylla ñiam Hindu u ya waroh ki khon ka rayot yong waroh ka ri-loom Khadar Dolloi.

U Syiem da phah u da u syiem khynnah yong oo u Rapo Ram Sing heiwa da yein pyrchah u Woh Tep wei da yaleh ya ka thma Nongsyntoiñ ha u snem 1669 wei da pynrem ya uni u syiem khynnah.

Heipor wa yaklam yasuk u Woh Tep wa u Syiem ka hima Jaiñtia u Syiem da pynyap u ya u Woh Tep ha Jaiñtiapur.

Neiliang u Wyrta daw e i chaphi ya ka parom wa pura yong u Woh Tep Kyndait.