15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Hadien lephaw snem wai yow mot sahkynmoo u woh Tep Kyndait

0 Comments
Advertisement ad1

Jowai : Deilangær jooh yoo i ya u mot wa em ha ka laad wow psiah cha ka chnong Tuber Kmaichnong wei jooh yoo i ya uwi u mot uwa ym jooh tip ware i chaphang yong oo.

Ynne ka sngi da wiar lut ini i angnood wow tip ya uni u mot hadien wa da wai paidbah ya oo ynne ka sngi da u President ka Seiñraij Tuber u ma Helpful Phawa ha ka yalang wa tbian wei da tip ya uni u not kam u Mot u Woh Tep Kyndait. Da pyllait u leh ya ka kot kawa da e pyrtuid kam ka ‘Ka parom ka Bahkhla wa ka Thma Nongsyntoiñ.

mot-tep-kyndait1

Ha kani ka yalang da embynta u President ka BJP u ma C. Lyngdoh, u ma O Kyndait, ki heh ki sian ka Seiñraij Tuber wa kiwi kiwi.

Ha kani ka sngi da yoh leh u sakhi ya ki Chaad wa ha rukom kam ki Chaad sukra, Chaad pastieh wa kiwi kiwi kiwa da pynkhreh da ki khon ka chnong Tuber.

mot-tep-kyndait2

Da khana wa ya uni u not u woh Tep Kyndait da chimpor wow pyndep hadooh palat 30 snem nadooh wa sdang hadooh wow wai ya oo ynne ka sngi hei lut kamwa T. 37.5 lak wei jrong u kamwa 72 phut.

mot-tep-kyndait3

U Tep Kyndait u Khlawait ka Tuber toh uwa yieñ pyrchah ya u Syiem Jaiñtia u Amratap Sing hadien wa phah kylla ñiam Hindu u ya waroh ki khon ka rayot yong waroh ka ri-loom Khadar Dolloi.

U Syiem da phah u da u syiem khynnah yong oo u Rapo Ram Sing heiwa da yein pyrchah u Woh Tep wei da yaleh ya ka thma Nongsyntoiñ ha u snem 1669 wei da pynrem ya uni u syiem khynnah.

Heipor wa yaklam yasuk u Woh Tep wa u Syiem ka hima Jaiñtia u Syiem da pynyap u ya u Woh Tep ha Jaiñtiapur.

Neiliang u Wyrta daw e i chaphi ya ka parom wa pura yong u Woh Tep Kyndait.

mot-tep-kyndait5

mot-tep-kyndait6

 

 

 

Share this:
Previous

Poi ka Inter School Badminton Tournament cha wa kut

Next

Ka result Final ka U-14 Football Tournament ka WJDSA