Hadien wa chah dat u MLA warim ha Tura, ngat won u sa ka FIR | Dawa ki seiñbhalang wow pynchitom ya uni uwa pynchit

Uwa yahkhmat ka Liang Pyrchah, u Dr. Mukul M. Sangma, ynnin ka sngi da lai ujor FIR u pyrchah ya u MLA warim ka Phulbari, u Estamur Mominin.

Ha ka FIR da pynbaad wa u Estamur toh uwa da wanrah yei thut ka chongsuk chongsaaiñ heiwa da klam u ki kyntien wa wanrah yei sñiaw yaphær jaitbru chwa ka Election MDC ka GHADC.

Ya kani ka FIR da booh ha Phulbari Police Station heiwa da kdaw ya kawi ka Video kawa da poor bha hei janmiet ka 9 tarik heiwa da yoo ya u Estamur da klam u cha ki bru hadien wa chah dat u ha katai ka sngi heipor wa mut u wow lai thap pyrtuid kam u kyrtong MDC ha Office u DC ha Tura.

Ha ka FIR, u Mukul da ong u wa da em ki kyntien wa pynemkaam u Estamur kiwa da pynchongchit bru heipor wa em Election deiwa klam leh yei chimbynta ki Non-Tribal heipor Election heiwa da chah pynmih wei pyrtuid u Mukul kam uwa da kyrchaan yeini wa lai thap pyrtuid wei da yoh leh yei kyrchaan na kiwa man kam ki Non-Tribal wei ini toh iwa thok suda wei kiwa man kam ki symbe yow pynyachoon hapyrdi ki jaitbru.

Kamtæ da dawa wow pynchitom ya uni u bru katkam ki kyndon aiñ.

Neiliang won ka seiñ FKJGP leh da dawa ko na ka sorkar Meghalaya wow pynchitom ya u Estamur deiwa ong wa i leh yong oo wow lai thap pyrtuid deiwa yaleh pyrchah ya ka hukum ka GHADC da pynkulmar ko ya ka thaaiñ Garo.

Related posts

I pyntip wa emkaam cha kitu kiwa yaleh Admission Class-XI ha Kiang Nangbah Govt. HS School

April 21, 2026

Hadien wa yap ki ar ngut nei haap moo, khang ka sorkar ya u sarok hadooh wa pynbna da kamwi

April 21, 2026

Da ong u leh wa kiwi da burom ki ya kani ka hukum tangwa uni won uwa man kam MLA warim da lai thap pyrtuid u kam wow pynchit.