Hadien wa chah pyndam ka License ka NGO u Sonam, chah kem wei chah rah cha Jodhpur Jail

Ka sorkar ha Ladakh ynnin i miet ka 27 tarik da kem ko ya uwa kreh monsñiawbha na Ladakh, u Sonam Wangchuk heiwa da pynngat ya oo hapoh ka aiñ National Security Act (NSA), wei da kit ya oo cha Jodhpur Jail.

Ka sorkar da ong ko wa da klam u ya ki kyntien wow pynchongchit ya ki bru deiwa pynsariem yei yakhih ha Nepal wa ka Arab Spring iwa da wanrah yei yakhih ha ka 24 tarik heiwa da yap soo ngut wei boon ngut kiwa mynsoo.

Ka sorkar ha Ladakh da ong ko yow wanrah yei chongsuk ha Leh da hap wow khang ya u Sonam u leh u ya ki kaam wa ye u ktah yei chongsuk kamtæ da kem noh ya oo hapoh ka National Security Act (NSA) wei da kit ya oo cha Jodhpur.

U Sonam da chah pynbaad u wa da klam u ya ki kyntien pynchongchit ya ki paidbah wei da pynmih u leh ya ki Video wa ktah ya kiwa boon kamtæ ka sorkar da ong ko wa ym miat wow kset ya oo ha Leh District.

U Sonam toh uwa chong wa sah ha Uley Tokpo, Leh wei da kem ya oo hapoh ka NSA neidaw wa yakhih chah thngan u wow dawa jar ka jylla ya ka Ladakh wei wow tipmit noh ya ka hapoh ka Sixth Schedule.

Chooh chooh ka sorkar da ong ko wa da em ka High-Powered Committee (HPC) hapoh ka Ministry of Home Affairs wei da tyrwa yaklam ya u Sonam, tangwa nei thmu wa cha lyndet da pteiñ u wow chah thngan.

Related posts

Da ka song poisa yoh ki skur wa ki dong ka chnong Jowai kiwa lehbha hei pynlang yei jhep

September 27, 2025

Jop biang ka BPF ha ka Election Bodoland Territorial Council

September 27, 2025

Kiwa boon ki seiñ niam, ki seiñbhalang wa ki Party da beiñ yei chah kem u Sonam.

Katkam wa man kattæ dang pynkrehkaam ya ka Curfew ha Leh kamjooh ka Section 163 ka BNS ha Kargil.

Chwa wow chah kem u Sonam, ka sorkar pyrdi lyngba ka Ministry of Home Affairs da pyndam ko leh ya ka FCRA License ka NGO u yow lait u yoh posia na baar ri.