Hadien wa chim kabu u Nepali ha EJHD, kyntu ka AJYWO ya ki bor chnong wa ka District wow man kiwa husiar

Jowai: Ka AJYWO Central Body da pynsñiaw ko yei chrai hajrong i chim kabu uwi u Nepali, wa tip kam u Krishna Sapkota, wa sah ha Khliehriat wa pynemkaam bakla yei bor u Waheh Chnong ka Latyrke, East Jaiñtia Hills, hadien wa e u ya ka Residential Certificate cha ki hajar ngut ki Nepali wa Bengali hei pyrtuid u Waheh Chnong ka Latyrke hei dor T.700 hadooh T. 1000 kawi neibynta wow yoh kamai spah u samen.

“Ini i leh yong uni u Nepali wow kamai spah da kani ka kaam man ko ym du kawa pyrchah ya ka aiñ tangwa man ko leh i chah hiar thma wa wer næ ya i ki tre ri wei ini da booh ko ya ka Ri wa ka jaitbru khian paaid yong i hei ma wa khroo ha ki sngi wa ki snem wow wan” da ong u MH Dkhar, President, ka AJYWO.

“Lada uni u Nepali da saam u ya kini ki Residential Certificate cha ki hajar ngut kiwa wan khih mylla sngi cheini, da booh ko leh hei ma ya ka jaitbru kawa khian paaid yong i” da pynrap u Reachingson Siangshai, Vice President ka AJYWO.

Hei yatoh wa ini ka seiñ da kyntu joor ko ya ki bor ka aiñ wow takit wei wow thooh tre yeini wei kamjooh leh wow pynchitom ya oo wa ya kitu kiwa emkti wow leh ya ini i kaam katkam ki kyndon ka aiñ.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da kyntu joor leh ya ki Waheh Chnong ka Jaiñtia Hills wa ymhoi u e ya ki Residential Certificate khlem pyndap ya ki pyn daki hi neibhah dei wym pyndap ya ki ye ki bru kiwa ha rukom u leh yei kaam thok wa kiwi ki kaam kiwa man pyrchah ya ka aiñ wei wow booh leh ya ka Register hei wow pyndap ya ki pyrtuid yong kiwa wan paan ya kini ki Certificate.

U Dkhar da pynrap u deiwa ong wa ka sorkar ong ko wa u Aadhaar ymtoh u wow pynsakhiat yei man tre ri wei man u du wow pyntipmit ya ki bru tangwa ka seiñ ym chaniah ko yeini neibhah wa da yoo nongmuna ko yeiwa mih na ka EPIC neibhah da pynemkaam ya ki lada ha ki kaam sorkar namo ki kaam samen. Kamtæ ka seiñ tieñ ko wa boi mynried u bru daw kamtre u yei man u uwa chong chnong du deiwa pynemkaam ya u Aadhaar.

Ka seiñ da pyntip ko leh wa neini daw yachem ko ya u Deputy Commissioner EJHD wa ya u CEM ka JHADC wow booh ya ki phang dawa hei yatoh wa u Aadhaar.