Shillong: U MLA ka Congress u AL Hek ynne ka sngi da ong u wa ka Congress ym poi de ko heibor ha u snem 2018 ha ka jylla wei smat u leh u ong wa ka Election ym pynmih ko ya ki Party kawa ye u chna sorkar deibor samen.
“Da tikna waka Congress ym poi ko hei bor wei i rai ki paidbah ym e ko ya kawon kawon ka Party wow yoh boon ki kytrong wow tam ya kiwi, kamtæ emkaam ka yalok wa kiwi ki Party hadien wa kut ka Election yow ye u chna sorkar,” ong u Hek.
Hawa kylli kammon yoo u yei laad ka NPP ha kani ka kynti, da jubab u deiwa ong wa daw leh bha ko bar ya i por wa nachwa.
Hei yatoh won wa ki khubor wa ong wa daw yut u naka Congress, da ong u wa ym ye u chim ya ka rai khlem da yoh i kyrchaan na kiwa heh ka Constituency u ka Pynthorumkhrah.
“Ym Iai O cha khmat khlem da yasyllok chwa wa kiwa kyrchaan ya nga kamjooh kiwa yahkhmat ka Constituency wei ka rai cheiwon u lai toh du hadien ini donhi.”
Da ong u leh wa hapoh ka Constituency yong oo hi, kreh u wow pyn yohkhih yohkhan wei wow elaad ya ki khynroo khyllood wow yoh kreh ki.
Hei yatoh won wa i pynkhreh u ya ka Election da ong wa ym em kheiñ stiñ wei i pynkhreh dang lai i chakhmat.
(Feature Image-File Photo)
Discussion about this post