Shillong : U SK Sunn hadien wa chong ngiah u kam u Chief Engineer ka PHE da pynbna paidbah u wa u yieñ Election u kam u MLA na Mawphlang Constituency ha u snem 2018.
Ha ka yalang kawa pynman ynnin ka sngi ha madan Lyngkdop, Mawphlang da wan da ki hajar ngut ki paidbah yong ka tai ka thaiñ wow ap wow sñiaw ya ka yurim wa uni u kyrtong yieñ u kamjooh ki kaam wow leh u kam u MLA lada jop u.
U Sunn leh da pynbna u wa u yieñ u kam u kyrtong samen hadien wa ki paidbah wa kyrchaan ya oo da iwi i sur da ong ki wa toh u yieñ u kam u kyrtong samen.
Da ong u leh wa da rai u wow yaleh Election hadien wa kiwa boon ki paidbah da pynbor ki ya oo neibhah ki paidbah da ong ki wa da kot ki oo wa mihkhmat katni u Kennedy C Khyriem wa ym jooh bna u ya i eh i khoo ki paidbah wei boon ki scheme wa toh u yoh ki paidbah ym joh poi ki cha ki.
Photos Courtesy: T7 News
Discussion about this post