Jowai: U Deputy Commissioner ka West Garo Hills District u Ram Singh ynnin u bnai da thoh u cha u Principal Secretary ka Labour Department ka sorkar jylla yow paan thaw yaleh exam namo ki Exam Center hapoh ka District neibynta ki exam wa pynman daka sorkar pyrdi kam ya ka SSC, UPSC wa ha ki PSU wei ynne ka sngi da pynksan yeini hadien wa kiwa yaleh Exam NEET neibynta wow lai puræ MBBS wa BDS na ri-loom Garo ym yoh ki psiah yaleh Exam ha Shillong.
Kiwa wan thoh Exam kiwa ym chah u psiah cha i thaw thoh Exam da ong ki wa da rah ki ya ka Admit Card tangwa kiwa yang ha Gate won da paan ki ya kiwa boon kiwa ki kot ki sla, kiwa yaleh Exam ong ki ym em kdaw chwa wow rah ki wei neidaw wa wan ki na ki thaw wa jngai ym ye de ki wow li thooh ya kini ki kot ki sla wei da hap liwan ki khlem yoh wow thoh Exam.
Neiliang u DC da ong u wa lada ha Nagaland em ki ar tylli ki thaw thoh Exam namo ki Exam Centre hapoh Meghalaya leh toh u em sa kawi ha ri-loom Garo wei daw thoh u cha ka sorkar jylla wow booh ya ka thaw thoh Exam NEET ha ri-loom Garo khamtam hawa pyrkhat yeiwa em ka Cyclone Fani kawa da ktah yei lai i wan kiwa yaleh Exam cha Shillong.
Ha iwon tawan i liang ka National Testing Academy (NTA) da kyrriah tarik ko ya ka Exam NEET hapoh ka jylla Odhisha hadien wa chah ktah kani ka jylla ha u Cyclone Fani wei ya ka tarik wa thymme daw pynbna ha kini ki sngi haka Website ka NTA wa haka NTA NEET.
Haka jylla Karnataka won kamwa 500 ngut kiwa lai yaleh Exam NEET ha Bengaluru kiwa wan da na Belllari wa Hubbali da ka Train 16591 Hampi Express da dooh ki wow thoh Exam hadien wa poi thaw ko thaw ko 2:30 i sngi heithaw 6:05 i step deiwa slem 8 kynta heiwa ym chah de wow psiah cha ka thaw thoh Exam hadien 1:30 i sngi.
Also Read: Dawa thaw thoh Exam u DC ka WGH yow lait lai chadooh cha Guwahati wa Shillong
Discussion about this post