Hadien wa jan dap ar bnai pyndam ka NTA ya ki le tylli ki Subject ka UGC-NET Exam

Ka National Testing Agency (NTA) da pynbna ko wa daw pynman biang ko deiwi ya ka UGC-NET June 2026 Examination neibynta ki le tylli ki Subject: English, Commerce wa Sociology wei yeini da leh hadien wa chem boon tylli i bakla ha kini ki le tylli ki Subject.

Hadien wa pynbna ka NTA yeini ynnin ka sngi, neiliang uwa yahkhmat ka Liang Pyrchah ha Parliament, u Rahul Gandhi da ong u wa ka NTA da pyndam ko ya kini ki 3 tylli ki Subject hadien wa jan dap ar bnai wei ini da ktah ya ki hajar ngut kiwa da pynkhreh da ki snem wei da em kiwa hap lai luti deiwa jngai wei hap lutsan wei chah ktah leh i pyrkhat pyrdaiñ kiwa boon.

Ha ka Notice ka NTA da pynbna wa daw pynman biang ya ka Re-Test ha u September, wei ym hap de wow su ya ka bai yaleh Exam neibynta kini ki le tylli ki Subject.

Katkam wa ong ka NTA, da em ka Committee wa chem yeiwa bakla hei Spelling naooh i pyrtuid ki bru wa bna naam hei puræ puthi, i pyrtuid kot wa kiwi de ha ki Question Paper.

Related posts

Poi chei chah thang kari, i mynsoo ki pulit nei yakhih kiwa puræ ka Lovely Professional University du deiwa suba wa em kawa chah slaitbor

September 27, 2026

Chah tooh ki chijur Rs.1 klur hadien wa pynyoorong ya ka spah wei ksiar

September 27, 2026

Ki Result kiwi ki 84 tylli ki Subject u pynmih ki kamwa da booh.