Ka seiñ Hynniewtrep Youth Council (HYC) Narpuh Circle ynne ka sngi heipor kamwa 11 waje i step hapoh i yahkhmat u General Secretary u Albinus Lyngdoh da lai dawa ki yaka Company Black Tiger Cement (Gold Stone Cement) wow pynkrehkaam noh syndon yaka aiñ Minimum Wage Act katkam ka hukum wa da phah da chnat Labour wei kamjooh yaka Policy pynpsiah kaam ya ki trei jylla katkam ka soskular wa da ya soi hapyrdi ka sorkar jylla wa ka Company.
Chooh chooh ha chwa ini, ka seiñ da khang khyrdep lut ko leh ya waroh ki Office yong katai ka Company wei da phah mih ya ki wakreh yong ka cha lait waroh.
Hadien wa khang ka seiñ, katai ka Company da khut ko yaka seiñ wow yaklam heiwa da kular wow pynkrehkaam wei wow pdiang yeiwa dawa ka seiñ heiwa da e por 20 sngi ya katai ka Company wow su ko da i dor mylla sngi katkam wa da booh da ka aiñ deiwa yaklam wa u S. Prasad.
Kamtæ du hadien 3 kynta wa seiñ da khang ko ya kani ka karkhana, da wai biang yaka deiwa ong wa lada katai ka Company ym chimkhia ko ya iwa dawa ka seiñ, daw leh da iwa eh.
Ka kyrwoh na u Publicity Secretary ka seiñ u P. Syiemlieh.