Shillong: Hadien wa mih syndet ki dkhot ka FKJGP wa ka HYC wow pynman yalang wow dawa na ka sorkar wow chna smat noh ya ka Mawlai Block, ka sorkar da chim ko ya ka rai wow pynkreh kaam noh da ka Section 144 ka CrPc.
Ini da jia i ynnin ka 17 tarik heipor wa dang em Assembly ka Sorkar ha ka yung thaw aiñ wa chi por ka sorkar ha Rilbong, Shillong.
Kani ka hukum ka sorkar da mana wa ym hoi u em i yalang ki bru 5 ngut chaneiñ ha iwon iwon i thaw hapoh 500 meter naka yung wa pynman dorbar ka sorkar wei 100 meter na ka Meghalaya Secretariat (Main and Additional Building).
Kani ka hukum leh da maham ko ya kiwon kiwon wow pynwit ya i lai i wan ki kari ha ki bynta ka thaw chong dorbar ka sorkar, kamjooh u rah ya ki tiar pynmynsoo.
Kani ka hukum u krehkaam ko nawa pynmih ya ka tangwa ym krehkaam ko ya ki chiphai wa ki pulit wa wan wow yada ya kani ka thaw.
Discussion about this post