Hadien wa phah lai thooh kot na u waheh chnong khlem poi yung hadooh wa chem yei metyap ka khynnah

Hei yoh kiwa thoh khubor u yaklam wa u Kowel Lyngdoh uwa man u Ma tre ka khynnah kawa dang 13 snem kawa chah pynyap dusmon ha chnong Kalapangti kawa em hapoh ka thaaiñ Khyndewso ka Ri-Bhoi iwa da jia ha ka 9 tarik uni u bnai.

Da khana u wa katkam wa ong ka bei kani ka khynnah wa ka dang mut ko wow lai chim kot na yung u waheh chnong wei ha chiteiñ luti heipor 10:00 waje i step toh i por wa wai skur step wei da chem ko ya ka khon ko heipor wa liwan ko na skur, kamtæ da phah ko ya ka khon ko wow lai chim ya ka kot na u waheh chnong wei kani ka manbei won da lai emkaam ko chawi.

Heipor 1:00 waje haroh hadien wa ka bei poi yung ko, da khut ko ya ka khon tangwa ym em ko ha yung heiwa da tharai ko wa boi dang laike ko.

Kamtæ manda kieh 4:00 waje i janmiet leh ym em de poi yung ko, da sdang wow thooh wei da pyntip cha ka chnong wei neiliang ka chnong da sdang ki wow thooh ka wei heipor 7:00 waje i miet da chem yei metyap kani ka khynnah na iwi i khloo.

Related posts

Pyndam ka High Court ya 6 tylli ki Case POCSO pyrchah ya ki chynrang hadien wa booh ki kynthai yei kyrpaad

November 8, 2026

Thoh kiwa chet-ja skur ka Meghalaya cha u CM ka Assam yow yarap yaklam wa u Modi

November 8, 2026

Neiliang u Ma kani ka khynnah da ong u wa ini toh i chah pynyap dusmon ko ha ki bru wym tipmit wei da mih snaam ko na i bynta i khlieh wa na khmut, wei kam ka yung ka sem da e kti ki cha ki bor ka aiñ yow leh ki yeiwa emkaam.