Jowai: Kam chibynta wow kynmoo warom ya ka lyngkhooh sngi yap wa chi snem u (T) Shanbok L Syad, President warim ka EJNC-Central Executive Council (CEC), neiliang yong kiwa kitkaam yong ka seiñ hadien wa yachem ko ynne ka sngi da mynjurlang da iwi i sur wow jied ya u Sambormi Lyngdoh kam President wa thymme ka EJNC-CEC wei u Emioshwa Dkhar kam u General Secretary.
Ha i jooh i por ka seiñ da rai ko wow pynman ya ka General Council haka 5 tarik u Naisan ha Khliehriat West heipor 1:30 i sngi, neibynta wow pynthymme ya kiwa kitkaam yong ka EJNC – CEC, kamtæ ka seiñ da kyntu ko ya waroh ki dkhot ka EJNC wow wan ki cha kani ka yalang.
Hadien kani ka yalang kiwa kitkaam ka seiñ da lai booh syntu ki ya u President warim yong ka wow kynmoo warom ya oo ha Loom Tlep-bru ka Balang Khliehriat Presbyterian heiwa da yoh leh yei klam wa tbian na u president wa thymme ka seiñ.
Lyngba kani ka khubor da pyntip ko leh wa ka EJNC ym em bynta de ko wa ka ym e yatoh de ko wa ka JNC.
Also Read: Ieh noh u Sambormi Lyngdoh kam u General Secy ka JNC wa na ki kaam kreh monsñiawbha
Discussion about this post