15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

I yoh khusnaam ka jylla man ko kawa e mynsien ya ki warep

0 Comments
Advertisement ad1

Shillong: U Montri ka tnat rep ka riang ka jylla, u Banteidor Lyngdoh da ong u wa i yoh khusnaam ka tnat wa pait u na ka Sorkar India, pynyoo ko wa da ku ka kaam rep ha ka jylla wei ini pynchlur wei e mynsien i ya ki warep.

U Banteidor chirup wa u Montri Rangbah u Conrad K Sangma dang ini wa dep, da pdiang ki ya ka khusnaam na u Montri Rangbahdooh ka ri, u Narendra Modi ha ka yalang Krishi Unnati Mela wa man ha madan ka India Agriculture Research Institute ha Pusa ha New Delhi.

Advertisement ad1
Advertisement ad1

Ka khusnaam kynthup ko ya ka song poisa wa T.1 klur ya ka Meghalaya wei katkam wa ong u Montri, ya kani ka poisa daw pynemkaam wow thied ya ki tiar wa emkaam, wow thied symbe, thied sboh neibynta ki warep.

U Banteidor uwa dang chimkti ya ka kaam Montri kamwa ar bnai kattu, da ong u wa daw chimkhia u wow chna ya ki laad ki luti wow kyntu ya ka kaam rep wei daw khut yalang u ya ki sahep neibynta wow bichaar bniah yei lai bait ki kaam ha kani ka tnat.

Da ong u wa boonsien ki warep chah ksih ki ha kiwa boon ki liang, khamtam ha ki mahajon ha yaaw.

Heijooh i por da ong u wa i eh i khoo wa chem ki warep em ki chiboon neibhah wa lada ki mar miat ki na loom na hali tangwa chem chitom ki hawa sih ka yaaw heiwa haap dai toh dor noh ki ya ki mar rep.

Also Read: Yoh ka Meghalaya yei naam kam ka jylla wa ku ha ki kaam rep ha ka ri India

0 Comments

Leave a Reply