Hadien wa pyrchah u bru samen ya ka hukum ka HC : Daw pyrchah sa ka sorkar jylla

Jowai : Hadien wa ujor u ma Sajay Laloo da ka Special Leave Petition pyrchah ya ka hukum (directions/orders) wa da pynmih da ka Chief Justice warim ka Meghalya High Court uUma Nath Singh wa u Justice T.N.K. Singh kiwa da chong ngiah ha uni u snem kawa man leh ka wow myntoi ya ki, ynne ka Supreme Court da ap ko ya ki ñia ki muktiar yeini ynne ka sngi.

Ynne ka sngi neiliang u Muktiar ka sorkar jylla u Ranjan Mukherjee, da ong u wa katkam ka rai ka jylla Meghalaya, daw pyrchah (challenge) ko ya ka hukum wa pynmih ka High Court wei daw leh yeini da ki le tylli ki mukotduma (Special Leave Petitions) hadien le tayaw nadooh ynne ka sngi.

Heijooh i por da hukum ka Supreme Court wa ya kani ka mukotduma u ma Laloo daw bichaar chirup wa kiwa daw e da ka sorkar jylla.

Chooh chooh u Ranjan Mukherjee ynne da e u leh ya ka dorkhat hei yatoh wa i ma i mynsien(Threat Perception Assessment) ki ar ngut kiwa bichaar warim ka Meghalaya High Court kiwa da e ka hukum hadooh wa mih kani ka mukotduma.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Also Read: E mukotduma u bru samen, heithaw ki bor ka sorkar