Hadooh 12 tylli ki Rong pynpoi ki khon ka Raij Mukhla ha ka sngi pynkut ya ka Behdieñkhlam ka Raij

Jowai: Ka Raij Mukhla ynne ka sngi Muchai da pynkut ko ya ka lehniam Behdieñkhlam kawa man leh ka Behdieñkhlam wa khaddooh yong uni u snem hapoh ri-loom Jaiñtia.

Ya ka lehniam da pyndep nadooh i por 6:00 waje i step da ka Kyntiñ Khnong ha Yung Blai pynbood won sa i Lai Chaad Yung ka Mih Kñia wei da rah ya ki Rong ki Rot ha madan Slot Masi heiwa da pynpoi 12 tylli ki rong ki rot.

Chwa wow rah ya ki Rot cha Aitnar da tympat chwa ya ki ar tyilli ki Deiñkhlam wei da rah chwa ya ki cha Aitnar.

Hadien ini da rah ya ki Rong cha Aitnar deilang i ood ki bom, ki bhuri wa i chaad chongchit ki khon ki hajar ka Raij.

Ya kani ka sngi khaddooh da wan sakhi da ki montri ka sorkar jylla wa kynthup ya u Sniawbhalang Dhar, u Kyrmen Shylla wa u AL Hek wei da emlang leh u MLA ka thaaiñ u Wailadmiki Shylla, u Chitlang Pale, u Nujorki Sungoh, u CEM ka JHADC u MB Rymbai wa kiwi kiwi deilang wa ki paidbah wa wan na jan wa jngai.

Related posts

Wow e ngooh ya ki Soo Dwar wa ka Tawiar ka Takan, pyndep ka Raij Jowai ya ka Kñia Khang

June 7, 2026

Pyndep ka Raij Jowai ya ka Kbai Mooknor wow e ngooh ya ki Soo Dwar Soo Luti

June 6, 2026