Jowai : U Deputy Commissioner, (Supply) West Jaiñtia Hills District, Jowai da pyntip u wa da pdiang ya ki bru kiwa kwah u man kam ki Government Nominee hapoh ka PDS West Jaintia Hills District, neibynta u snem 2017, ki pyrtuid toh ya kiwa dai wholesale ha Jowai, Ummulong, Nartiang wa ha Shangpung.
Ya kiwa kwah, ye ki u chim ya ki form na yung krehkaam u Deputy Commissioner (Supply) wei ka sngi khaddooh wow pdiang ya ki pyrtuid toh ha ka 13 Kmaichonglad (December), 2016.
Ki kot wa emkaam u e chirup heipor wa thap pyrtuid toh ka Court fee Stamp wa T. 25 (tanka arphaw san), le tylli ki dur passport size kiwa da dep soi næ self attested ya ki bru samen (Photo of the proprietor), lada hei pyrtuid ka Co-operative Society i dur u Secretary. Ka Bank Guarantee kawa T.1 Lak ya ki tribal wei T. 2 Lak ya ki non-tribal, emkaam leh u e ha ka Non-judicial Stamp Paper kawa T.10.
Ki kot ki sla toh u krehkaam (validity) ymtoh u duna yei por 6 bnai, wei ya ki kot emkaam leh u soi da u Waheh Chnong hei yatoh wa ki godown. Ki Trading License neibynta ki non-tribal leh emkaam chirup wa ki Sale tax/Professional Tax Clearance næ Exemption Certificate. Kiwa da kut por ym pdiang ya ki.
Daw pdiang ya ki Co-operative Societies, NGO, Self Help Group lada yoo wa ye ki u pyllai ya kani ka kaam.
Discussion about this post