Jowai : U president ka KJNU da ong u wa ka sorkar toh u pynche ko cha ki paidbah lyngba ka tnat Transport wa ka won ka Weighbridge watoh u thaw ya kiwon ki jait kari wa ki jait mar kiwa lai lyngbha u NH-44 ya waroh ki jait kari.
Da ong leh wa ka sorkar toh u pynche ko leh wa ha ka 7mer Weighbridge wa ka Umtyra Weighbridge kiwon ki kari wa toh u thaw khia ha ki, wa ki yi wym toh u thaw khia ha ki yow lait u mih i kulmar ha pyrdi kiwa yah truck wa kiwa thaw khia.
Also Read: Ym thaw khia de ki truck kit clinker wa khyndaw bilat ha 7mer
Ini da sakhi hadooh wa ka Jaiñtia Hills Cement Manufacturers Association (JHCMA) da ujor ko cha ki bor pulit ka West Jaiñtia Hills wa em ki damok wa khrong poisa yabor ha ha 7mer na ki truck wa kit khyndaw bilat wa kiwa kit clinker wei ini leh ye u mih neidaw wa sñiawthooh bakla kiwa kreh ka weighbridge ha 7mer wa ki truck wa da dep su bai kit mar ha ka weighbridge wa em ha Umtyra.
Also Read: Ka hukum neibynta i e Weighment Certificate ki Weighbridge hapoh ka jylla
Kamtæ ka seiñ KJNU da kyntu ko ya ka JHCMA yow pyndam noh ko ya ka ujor yong ka wa kynnoh wa em kiwa lute ha 7mer.
Kamjooh ka sorkar toh u pynche ko neiyi i daw wa kyrriah ko ya ki enforcement wa em ha 7mer cha Umtyra, East Jaiñtia Hills.
Wei lada ka sorkar ym ye ko u pynbait ya waroh ki kulmaar bha ko dei khang waroh ar kini ki Weighbridge yow lait u mih i kulmaar.
Discussion about this post