Shillong: Ha ki yalehke ka Meghalaya Baby League (MBL) ha kani ka 8 tarik ka Langsning Greenergy Lions da jop ko ha waroh ki 5 tylli ki yalehke yong ka ha waroh ki kyrdan snem. Da man ko leh ka sngi wa bha ya ka Mawlatbah SC Hawks, ka Wahlakhiat Bulls waka Kickstart FCC Rhinos kiwa da jop mar soo sien.
Ha waroh da pynman 20 tylli ki yalehke ha kani ka lympung wa da pynman lang ka Tata Trusts, ka Meghalaya Football Association waka All India Football Federation.
Ka Touchline NE Cubs waka Rhinos da sdang nyngkong ki ha JN Sports Complex wei ka Cubs da jop nyngkong ki ha ka kyrdan e 4-5 snem katwa ka Rhinos da jop ko ha kiwi ki yalehke wa bood ha ki soo tylli ki yalehke.
Da man ko leh kawa sariem ya ka ENE Falcons, kawa jopha ka kyrdan 6-7 snem da 3-2 kool pyrchah ya ka Bulls, tangwa da rem won ki ha ki yalehke wa bood wa da khlan ware ki Bulls.
Ki Hawks waka Nongtrai Cheetahs da man ki yaleheke wa ya khait bha heiwa ki Cheetah da rem ki ha ka kyrdan 4-5 snem, ki Cheetah da wan won ki wow jop ha ka kyrdan 6-7 snem deiwa jop ki da 3-2. Haka kyrdan 10-11 snem ki Hawks won da jop ki da 4-3.
Ha kani ka sngi waroh da thap 140 tylli ki kool ha ki yalehke wa 20 tylli ki yalehke.
Discussion about this post