15 49.0138 8.38624 1 0 4000 1 https://wyrta.com 300 0

Rah ka Shillong College waka Gladiators yei naam jop haka Laban SC Invitational Futsal Tournament

0 Comments
Advertisement ad1

Shillong: Ka Shillong College waka Gladiators da rah ki ya ka naam jop ha ki jar jiar ki kyrdan ha ka Laban SC Invitational Futsal Tournament 2018 wa pynhiar pyrda ynnin ka sngi.

Ha ka yakhun Final wa nyngkong kawa hap hapoh ka Veterans’ Division, ka Gladiators da pynrem ko ya ka dhab ka Meghalaya Swimming Association (MSA) da 6-5. Ka Gladiator nyngkong da sdang ko deiwa pyntam ar kool tangwa ka MSA da wan ko nadien wei ka Gladiator da ye ko wow jop hawa kut.

Advertisement ad1

Ha ka yakhun Final won kawa da yooluti waroh, ka Shillong College da wan ko nadien hawa da yoo kam u rem ko pyrchah ya ka St. Anthony’s Higher Secondary School.

Ka St. Anthony’s da tam nyngkong ko da 4-1 katwa ka Shillong College da yaleh ko wow pynpoi da 6-6.

Ki Anthonians da pyntam ki sa chi kool wow poi ka yalehke da 7-6 tangwa ka Shillong College da wan biang ko nadien yow jop da 11-7.

Ha kani ka sngi da em leh u FAM President u Dr. Brightstar Langbang kam u kongsan wa u Laban SC President u Sammy Myrthong kiwa da saam leh ya ki trophies cha kiwa jop wa kiwa rem.

Ha kani ka sngi leh da saam ya i naam Best Goalkeeper cha uwa yalehke ka Shillong College u Mebanrilang Suchiang, yei naam Top Scorer da rah uwa yalehke ka Shillong College u Samuel Kynshi, Man of the Match da rah u Dawanchwa C Challam naka St Anthony’s.

Ka St Anthony’s leh da rah ko yei naam Most Disciplined Team.

Advertisement ad1

0 Comments

Leave a Reply