Ka Russia da pynbna ko wa daw phah ko palat 40 tylli ki lieñsuiñ cha India wow chimbynta ha ka Indra-2019, kawa man ka yahikai ki le chnat yong ki chipai kini ki ar ri namo ka Joint Tri-service Military Exercise ka wow kynthup ya ki chipai Army, Navy wa Air Force yong kini ki ar ri.
Kani ka Exercise u man ko ha India ha u Kmaichonglad (Dec) 2019 wei neiliang ka Eastern Military District Press Service ka Russia ynnin da pynbna ko wa 15 tylli ki lieñsuiñ yapam (Jet Fighter) daw chimbynta ki ha kani ka Exercise.
Ka Russian Air Force (RAF) katni pynemkaam ko ya ki lieñsuiñ yapam kam ka Mikoyan-Gurevich ka MiG-29, Sukhoi kam ka Su-27, Su-30 wa Su-35. Ki lieñsuiñ yapam wa haap ha ka kyrdan 4++ Generation Fighters ka MiG-35 wa ka 5th Generation Stealth Fighter ka Su-57 ympu em slem wa pynemkaam ka RAF ya ki. Ka IAF leh pynemkaam ko ya ki MiG-29UPG wa Su-30MKI na Russia kamjooh leh ki MiG-21 Bison ya kiwa daw chongngiah noh.
“Ha kani ka Exercise ka Russia dang pyrkhat ko wow phah 40 tylli ki lieñsuiñ wow kynthup ya 15 tylli ki lieñsuiñ yapam, kamwa 20 tylli ki lieñsuiñ kit mar (Military-Transport Aircraft) wei palat san tylli ki lieñsuiñ niangkachiah ki chipai (Army Aviation Helicopter) cha India” da ong ka Eastern Military District Press Service.
Ka Indra-2019 man ko ka sien wa 11 wa da pynman yaka wa kynthup ki chipai na ki le chnat na ki ar ri (Army, Air force wa Navy) wei da ong leh wa ka Russian Navy daw phah ko ar tylli ki jhaad yapam (Warship) wa 300 ngut ki chipai khyndaw (Army) da ong ka Eastern Military District.
Ynnin snem ka Indra 2018 da man ko hadooh 11 sngi nadooh ka 18 Khonchonglad (Nov) 2018 ha Babina Field Firing Range, Uttar Pradesh, ha duriaw (Harbour Phase) ka Exercise da man ko nadooh ka 9 – 12 Kmaichonglad ha Visakhapatnam yeiwa da pynbood won ha Bay of Bengal nadooh 13 – 16 Kmaichonglad 2018.
Discussion about this post