Hadien wa wan u slap wa joor ha ki tayaw wa dadep da wanrah i yei haap i oor ki sarok kamjooh leh i chlai um ha jylla Meghalaya wa Assam iwa da ktah ya ki lak ngut ki bru.
Neiliang ki chipai ka Indian Air Force (IAF) hadooh ynne ka sngi dang pynman ki yei e yarap ha kini ki ar jylla nadooh ka 21 tarik uni u bnai.
Ka IAF da pynhær ko hadooh 74 sien ya ki lieñsuiñ, da yarap ko wow pynlait ya ki 253 ngut ki bru, wei da pynhaap ko 200 Tonne i marbaam, wa kiwi kiwi wa emkaam cha ki thaw wa chah ktah.
Chooh chooh ka IAF da pynemkaam ko ya ki lieñsuiñ C-130J Super Hercules, An-32 Transport Aircraft, Mi-17V5 Helicopter, Advanced Light Helicopters (ALH) Dhruv wa ki Mi-17 Helicopter.
Neiliang u Montri Rangbah ka jylla, u Conrad Sangma da ong u wa kani man ko ka sien wa nyngkong wa jia kamni ha ka jylla deiwa e khublei leh ya ka IAF wa da yarap ko ya ki paidbah ka jylla.
