Uwa thooh yutip lyngba ka RTI, u Disparsing Rani da ong u wa ka Meghalaya Energy Corporation Limited (MeECL) toh kawi na ki chnat ka wow ngam kam ka jhaad Titanic, neidaw wa joor i baamtooh.
Da ong u wa katkam ka jubab RTI, ka Satnam Global Infraprojects Limited kawa pynkrehkaam ya ka Saubhagya Scheme wow pyndait Smart Meter ha Meghalaya, da paan ko ya ki Certificate thok na ki 25,000 tylli ki manyung neibynta wow pynbiang ya ka Utilization Certificate (UC) wow yoh u sai ya ka poisa wa T. 2 klur na ka Asian Development Bank.
ADVERTISEMENT
Da ong u wa deiwa chem ya kam ini i kaam baamtooh ka MeECL daw ngam ko wei i kylli wa mih toh neiyi i daw wa pynwiar ya ka poisa wa yoh na ka Bank, wei hawa kut haap su hi ki paidbah ya kani ka ram.
