Kat dang mih ki sngi, da mih leh boon i sñiawthooh bakla hapyrdi ki paidbah khamtam heiyatoh wa ka khlam COVID-19 du neidaw wa pynpoor ya ki khubor thok, khubor hamsaya heiyatoh wa kani ka khlam.
Kamtæ neiliang u Sub-Divisional Magistrate, Pynursla Civil Sub-Division da pynkrehkaam u ya ka Section 144 CrPC wow khang ya ki bru wow pynpoor ki ya ki khubor thok wa ki khubor hamsaya iwa ye u wanrah yei syir mynsien hapyrdi ki paidbah khamtam heiyatoh wa u COVID-19.
Ya kiwa leh pyrchah yeini daw pynchitom ya ki katkam ki kyndon ka Section 54 yong ka Disaster Management Act, 2005 wa ka Section 505(1) yong ka Indian Penal Code heiwa ye wow chah kset hadooh chi snem næ hadooh le snem.
Kani ka hukum u krehkaam ko leh ya ki Message wa thok, hamsaya, i e yutip wa bakla (Misinformation) wa kiwi kiwi hapoh u pood ka Pynursla Civil Sub-Division wa ha ki Social Media kam ha ka Facebook, Instagram, WhatsApp, Text Messages, ki tanghæng (Unauthorized Public Address System) wa i rah ktien khamtam hawa yatoh wa i wym krehkaam i tika COVID-19.
Kini kiyi kiyi waroh wanrah ki yei tieñ wa i syir mynsien wei ktah ko leh yei e tika yada COVID-19 heiwa da dooh yei mynsien wa kordor ki bru kamjooh wow ye u yada ya ki bru na uni u khñiang khlam.
Kani ka hukum u krehkaam ko hadooh wa pynkylla deiwi tawon.