I kajia hapyrdi ka India wa ka Pakistan ha u pood Line of Control dang pteiñ i hadooh kini ki sngi heiwa du ha uni u snem da em hadooh 3186 sien i tyngkheiñ ka Pakistan ya ki kyndon wymtoh u yasiat namo ka Ceasefire Violation nadooh ka 1 Duyatra (January) hadooh ka 07 Naiynñiaw 2020.
Yeini da pyntip da u montri khynnah ki kaam yada ri ka India, u CM Ramesh.
Na kini da em 242 sien i yasiat markylliang hapyrdi ki chipai kini ki ar ri hapoh ka thaaiñ Jammu nadooh wa sdang u snem hadooh ka 31 Naisaphra.
Chooh chooh da em 8 ngut ki chipai kiwa da khlaad wa 2 ngut kiwa da mynsoo joor ha Jammu & Kashmir hadooh ka 7 Naikhynde, 2020 wei da mynsoo leh 5 ngut ki chipai ka BSF kiwa da mynsoo ha u LOC.
Manda em kam ini i tyngkheiñ ka Pakistan ya ka Ceasefire neiliang ki chipai wa ki BSF ka India da siat kylla ki chaliang ki thaw wa em ki chipai Pakistan wei mar ya em ini da pynmaan wot yei yaklam wut-wut hapyrdi ki bor sorkar wa ki bor chipai kini ki ar ri.
