15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Hadooh 46 tylli ki masi yoh kem ki BSF wa mut wow chalan tooh cha Bangladesh

0 Comments

Jowai: U SP ka West Jaiñtia Hills District da pyntip u wa ki BSF ka Muktapur BOP da yoh ki u kem 46 tylli ki masi wa thmu wow chalan tooh cha ri Bangladesh.

Ha ka 25-11-18 heipor 9:10 i miet ki chipai ka BSF katwa dang lai sonteri (Patrolling Duty) ki lyngba u pood waka Bangladesh wa haap hapoh ka Muktapur PP da yoh kem ki ya uwi u masi kyrtong heipor wa em ki bru wa ym tipmit kiwa pyrchang wow chalan tooh oo cha Bangladesh.

Ha ka 3 tarik uni u bnai heipor 3:30 i step ki BSF da yoh kem ki ya 27 tylli ki masi kyrtong tangwa ki bru wa mut wow chalan tooh da yut ki na ini i thaw.

Ha ka 7 tarik uni u bnai ki BSF da yoh u kem sa ya 18 tylli ki masi kyrtong kiwa mut biang u chalan tooh cha Bangladesh wei ki bru wa pyrchang u leh ya ini da yoh ki u yut.

Ya waroh kini ki kaam da ujor FIR ha Dawki PS wei dang pynman ya ka takit.

Share this:
Previous

Khlaad ar ngut hei tyrrah kari ha Ynñiawmer, WJH

Next

E yarap ka KSU-JHDU da ki kymmor cha ki khonswet