U SP ka Anti-Narcotics Task Force (ANTF) ka Meghalaya, u Giri Prasad M da pyntip u wa kiwa boon ki Drugs wa yoh kem toh kiwa lai luti ki wym em neh hapoh ka jylla tangwa katni won 50% i drugs wa yoh kem toh iwa da neh yow pynemkaam.
Da pyntip u leh wa kiwa boon toh kiwa pynemkaam Heroin hanla em leh kiwa da sdang boon wa pynemkaam ya ki Methamphetamine wa Phensedyl.
Da ong u leh wa yei Heroin toh iwa da pynemkaam nadooh kiwa kreh mylla, ki wym em khih em khan wei da em leh wot ki khynnah skur wei na ki Rs. 400 klur i Drugs wa yoh kem, Rs. 250 klur toh i Heroin.
Na waroh i Drugs wa poi ha Meghalaya, kamwa 30% toh iwa pynemkaam ha Shillong wei ki thaw wa pynemkaam ki toh ha Iewduh, Police Bazaar, Ajmera, Mawlai wa ki thaaiñ wa em ka TB Hospital kiwa man kam ki Hotspot.
Ki thaw won wa psiah i Drugs toh na East Jaiñtia Hills wa Ri-Bhoi wei ha ki snem wa da lai da yoh wow kem palat 1500 ngut kiwa dai wei khayi drugs deiwa em 700 tylli ki Case kiwa da pynngat hapoh ka aiñ NDPS Act wei da em 5 ngut kiwa da chah kem boonsien kiwa da chah pynngat won ha ka aiñ PIT-NDPS Act.
Kiwa chah pynchitom da ka yung bichaar toh palat 80% tangwa 70% toh ki Case ki wym pu em sdang u bichaar ki.
U SP da pyntip u leh wa deiwa yarap kiwa chong chnong da yoh leh wow kem ya kini kiwa dai drugs wei da yaroh u leh ya kitu ki tre yung ki wym em e wai cha ki bru wa tip ki toh kiwa dai Drugs.
Discussion about this post