15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Hadooh 50,000 tylli ki COVID-19 RT-PCR Test Kit e sñiawbha ka India ya ka Bhutan

Advertisement ad1
Advertisement ad1

Kam chibynta wow pteiñ yei kular u Montri Rangbahdooh ka ri, u Narendra Modi wa ka India u yieñ bait ko chirup wa ka lok yong ka, ka Bhutan ha i yakhun ya ka khlam COVID-19

Ynnin ka sngi ka India da e sñiawbha ko hadooh 50,000 tylli ki COVID-19 RT-PCR Test Kit ya ka Bhutan.

Ya kini ki tiar da ekti ha Phuentsholing ynnin ka sngi da u Consul General Prashant Das ha u Director General Dr. Pandup Tshering, Ministry of Health ka Royal Government of Bhutan.

Kani man ko ka bynta wa 10 na i e yarap dawai wa ki tiar sumaar wa e ka India ya ka Royal Government of Bhutan nadooh u Wisu (March) 2020.

I e ya kini ki RT-PCR Test Kit toh wow yarap ya ka Ministry of Health ka Bhutan wow pyndep ya ki Test hadien wa em ka Lockdown ha kani ka ri.

Nadooh u Wisu 2020 ka India da e yarap ko ya ki dawai wa kynkthup ya i Paracetamol, Cetrizine, Hydroxychloroquine wa ki tiar kam ki PPE, N95 Masks, RT-PCR Test Kits wa ki Portable Digital X-ray Machine ya ka Bhutan.

Chooh chooh chirup wa ka Bhutan da pyndep leh ya i bynta wa le yong i pyrchang ya ki dawai yada na uni u khñiang (Phase-III clinical trials).

Neiliang u Ambassador ka India cha Bhutan, u Ruchira Kamboj da ong u wa deiwa yieñ chirup wa ka Bhutan, ka India u em bait ko kam ka paralok wa yajan.

Share this:
Previous

Yahkhmat u MR ka Manipur wow lithooh yei dawai yada COVID-19

Next

Yoh kem ka Assam Rifles ya i drugs wa ki mar wa khayi tooh wa chongdor T.1.2 klur