Uwa rwai Punjabi uwa man leh u Actor, u Ammy Virk da chah siat ka kari u ha Canada hadien wa kut ka Concert u ha Abbotsford, British Columbia iwa da jia ha ka 5 tarik wei ha ini i chah siat ym em wa mynsoo.
Kani ka kari dang lai luti ko na 2500-Block, McCallum Road wei da chah siat ko ha ki bru wa chong ha ka SUV wei da siat ki 7 sien ha ka kari wa em u Ammy Virk kawa man ka Rolls-Royce Cullinan kawa man ka Bulletproof.
U Ammy Virk toh uwa pawnaam ha ki Film Punjabi wa Hindi wei da rwai u ya ki sur wa pawnaam kam ka ‘Qismat’ wa i ‘Darya’.
Ka Film Hindi wa nyngkong ka yong oo toh ka ‘Bhuj: The Pride of India’ wei da ak u leh ha ka ’83’, ‘Bad Newz’ wa ‘Khel Khel Mein’.
Ki pulit won hawa lai takit ha ini i thaw wa jia da ong ki wa da chem ki ya kawi ka kari SUV kawa da iñ wei ym pu tip lada ini toh iwa emyatoh wa iwa chah siat.
U pa won u Virk, u Kuljit Singh da ong wym em chah siat ka kari wa chong u khon u tangwa kawa chah siat toh ka kari yong kiwa pynman ya ka Concert.
Discussion about this post