Hadooh 72 tylli ki rong pynpoi ki khon ka Raij Tuber ha Aitnar

by Wyrta Staff

July 21, 2018

Reading Time: 3 mins read

Jowai: Ki khon ka Raij Tuber ha ka sngi Muchai da pyndep ki ya ka lehniam Behdieñkhlam ha Aitnar, Tuber Kmaichnong.

Ha kani ka sngi da wan sakhi ya ka da u Montri ka tnat i chait i khiah ka jylla, u AL Hek, u Montri ka tnat Revenue and Disaster Management, u Kyrmen Shylla uwa man leh kam u MLA ka thaaiñ, u MLA ka Jowai, u Wailadmiki Shylla, u MLA ka Sutnga Saipung, u Shitlang Pale, CEM ka KHADC u MB Rymai, u Dolloi ka Elaka Jowai, u Puramon Kynjing, wa kiwi kiwi.

Ki khon ka Raij da wanrah ki hadooh 72 tylli ki rong namo ki rot kiwa da pynriam da ki kot rong wa phooh wei da thoh leh ya ki kyntien kiwa klam ya ki kaam pyrchah ya ka imlang sahlang, wa kiwi kiwi.

Chwa wow pynkut ya ka Behdieñkhlam ha Aitnar da pyndep ya ka Taan Bhang hapyrdi ka Phang Wah wa ka Phang Neiñ, heiwa da jop ya kani ka Taan Bhang da ka Phang Neiñ.