Hadooh ar tylli ki takma ksiar yoh ka Monjurlang ha ka LLM Exam ka University of Mysore

Jowai: Ka Monjurlang L. Suchiang, ka khon u Rancha Lyngdoh wa ka Younilas Suchiang na Laskein, WJH da yoh ko ya ar tylli ki takma ksiar ha ka Final Exam yong ka LLM, Department of Law na ka University of Mysore.

Ya kani ka exam da pynman ha u Naiynru 2017 wei da pynbna ya ka result ha u Naisaphra 2017 heiwa da tam ko ya waroh kiwa yaleh ya kani ka exam ha kani ka University.

Ya ka Monjurlang da pynkup burom ha ka 98th Annual Convocation yong ka University of Mysore, Karnataka kawa pynman ha ka 12 tarik uni u bnai.

Ka takma ksiar namo ka khusnaam wa nyngkong wa yoh ka Monjurlang toh ka  “Smt.Thayamma and Sri Advocate Yadatore Saddival Lingaiah Gold Medal” kawa ar won ka khusnaam da tip kam ka “Sri SVL  Narayana and Dr. (Mrs) Lalana Narayan Gold Medal”.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ya kini ki khusnaam da pynkup burom da u Justice N. Santosh Hegde (Retd. Judge Supreme Court of India and Former Lokayukta, State of Karnataka) hei emlang u Vice Chancellor yong ka University of Mysore u Dr. C. Basavaraju wa kiwi ki bru pawkhmat yong ka jylla Karnataka.