15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Deiwa pynkup burom ya ki san ngut ki manbei, lehwarom ka Chutwakhu Urban PHC ya ki kynthai

0 Comments

Jowai: Ka Chutwakhu Urban PHC da leh warom ko ya ka sngi ki kynthai namo ka ka International Women’s Day ha Yungwalieh ka Tpep-Pale hanlada kani ka sngi da lai ko tangwa neidaw wym ye u kiar da pynman ya ka ynne ka sngi.

U Dr. S. Warbah uwa man kam u District Consultant ha ki ktein wai phang da ong u wa kani ka sngi man ko ka nongmuna wa bha wow bood kiwi yow ye ki u lai cha khmat.

Ka kongsan ka G. Pde, (Rtd) District School Education Officer da klam ko chaphang i yakhih ki kynthai wow yoh yei hok yong ki nadooh ka tulop, ka hok wow thap Vote , i hok wow seiñ khih wa man ka jooh ka kyrdan wa ki chynrang heiwa kam ka kynthai ka em ko leh saka lyngkor kam ka bei wow pun wei wow kha khon kamjooh wow pynman ya ka manyung kawa biang liang wa nang.

Wei ha ka leh em ka kitklieh wow pyntikna waka juk wow wan u ye ki u lai ha ka luti wa biang wei ka leh man ko kam kawa yada tangwa hapoh ka jylla yong i katni ya ki kynthai ym em man ko kawa chngian ha ka lai ka wan wa i khih i khan heiwa da em bait kiwa pynthut wa jrong kti ya ki kynthai hadooh i slaitbor.

Hadien ini da em ka yakop yaleh droma wa tbian namo ka Skit Competition kiwa klam chaphang wa emkaam yei chait i khiah ki kynthai wa punkhon.

Katwa ka S. Syngkon won da klam ko chaphang i chait i khiah i pyrkhat pyrdaiñ ki manbei wa punkhon kamjooh kiwa dadep kha khon yow lait ki u chitom i pyrkhat neibhah boon em ki chitom hei pyrkhat manda joor ware ka yukit wei yeini ka sorkar leh bien hi ko wow yarap wei i chitom i pyrkhat ym toh wa ong wa ki toh kiwa da biej kamwa ong kiwa boon.

Ha kani ka sngi leh da e ya ka khusnaam “Best Mother” ya ki san ngut ki manbei kiwa da wan tista wow leh ya ki Check Up kiwa kynthup ya ka:

Tourist Pyrtuh, Heiniwandaka Dhar, Samaya Jat, Rihok Lamare, Rihok Myrchiang hiewa waroh da yoh ki ya ka song poisa wa T. 1000 samen kiwa da wan chimbynta heiwa waroh da wan ki 46 ngut.

Ha ka Skit Competition won da yoh 1st Prize ka Mynthong waka Khliehmynkrem kiwa da yoh leh ya ka song poisa wa T. 6000, wa ar da yoh ka Khimmusniang kawa yoh T. 5000 wa le ka Iawmusiang waka Mission Compound kiwa yoh leh ya ka song poisa wa T. 4000.

Da pynkut ya kani ka sngi deiwa saam ya kiwa jop ya ka Baby Show ya ki khonboo wa em hapoh chisnem deiwa bichaar yei khia kamjooh yei chait i khiah yong ki heiwa ya 1st Prize waka song poisa wa T. 5000 da jop i khon ka Wandaka Dkhar wa u Wanpynshemlang Toi, wa ar da yoh i khon ka Suhawa Passah wa u Wansalan Bang deilang waka song poisa wa T. 3000 wa le won da yoh i khon ka Rima-me Iaka Passah wa u Harison Dkhar kiwa da yoh leh ya ka song poisa wa T. 2000.

Previous
Next

0 Comments

Leave a Reply