U Deputy Commissioner ka East Jaiñtia Hills District da pyntip paidbah u wa ka Expert Committee kawa da thung yow pait yei pynkylla ya ka State Reservation Policy daw pynman ko ya kiwa boon ki yalang paidbah ha waorh ki District Headquarter yow ap yei pynsñiaw ki paidbah hajrong ini i kaam.
Hachwa ini da e laad leh ya ki paidbah wow thoh ha næ chwa ka 15 tarik uni u bnai (June) deiwa phah chithi cha u L.K. Diengdoh, Secretary, Expert Committee, Personnel & AR(B) Department, Room 513, Meghalaya Civil Secretariat (Main Building), Shillong, 793001, wei ye leh u phah da ka e-mail ha [email protected].
Manda phah ya ka chithi næ da ka e-mail hap wow thoh che yei thaw sah, ki email kamjooh i Phone Number yong u bru wa phah næ ki seiñ deiwa khana che wa ki toh ki Schedule Caste, Schedule Tribe næ kiwi kiwi.
U bru næ ki seiñ hap ki wow khana yei daw wa kwah ki wow pynkylla næ yei daw wym toh u pynkylla yeiwa em hapoh ka Reservation Policy wei lada em ki kot ki sla wow pynsakhiat yeini ye ki wow phah lang.
Lada ini iwa da thoh ki man i iwa da dep phah ki nachwa cha ka sorkar, ye ki wow phah lang wa itæ wei hap leh u khana che wa lada yoh myntoi næ dooh myntoi ki hapoh ka State Reservation Policy.
Discussion about this post