Hadooh ka 30 tarik e por ya kiwa kwah wow lai puræ dei mynkna ya ka Hospitality & Hotel Administration Course ha IHM Shillong

Ka sorkar Meghalaya da khut ko ya kiwa chong chnong ka jylla kiwa kwah wow lai puræ hapoh ka Chief Minister’s Meghalaya Hospitality Scholarship Scheme-2025 neibynta ka 3 Year Bachelor of Science (B.Sc) Course yong ka Hospitality and Hotel Administration Course ha Institute of Hotel Management (IHM), Shillong neibynta u snem puræ 2025–2026.

Hapoh kani ka Scheme daw e 55 tylli ki Scholarship deiwa jied mar uwi næ kawi na kawi-pa-kawi ka Block wa em hapoh ka jylla. Kiwa yaleh ya kani ka Scheme emkaam wow pynsakhiat ki wa ki toh kiwa chong chnong wa pura ka jylla deiwa wanrah ya ka (Domicile Certificate) wei toh u man ki kiwa da pyndep ya ka Class XII (10+2) deiwa em ya ka English kam kawi na ki Subject. Lada em palat uwi næ kawi wa yaleh na ka jooh ka Block, daw jied ya u næ ka wa yoh yei Marks wa rap heh, lada toh won kat jooh ki Marks, daw jied ya u næ ka wa heh rta. I jied wa khaddooh ya kiwa yoh u lai puræ toh hadien wa pyndep ya ka District-Wise Online Examination.

Kani ka Scholarship toh kawa e yarap 100% heiwa ym emkaam u su ya ka Tuition Fee neibynta waroh 3 snem tangwa ya ka bai Hostel, i bai baam, i bai Uniform, bai Exam daw hap wow su da kiwa lai puræ. Lada jia wa u næ ka wa lai puræ dam ki chiteiñ por yei lai puræ, daw pyndam ya kani ka Scholarship wei daw hap ki wow su ya ka poisa wa dadep su ka sorkar.

Kiwa kwah wow yaleh ya kani ka Scholarship ye ki wow lai booh ya ka Application Form ha jar jiar ki yung krehkaam u Block Development Officer (BDO) deiwa e lang wa ka Aadhaar Card, Domicile Certificate, Class X wa Class XII Mark Sheets, Family Income Certificate (neibynta ki 6 bnai wa dang dep), i tyrwa (Recommendation) na u Block Development Officer (BDO), ka Scheduled Tribe Certificate, 2 tylli ki Passport-Size Photographs wa ka Bank Account.

Related posts

Ym pdiang ka Khliehmyntriang yeiwa pynmih khubor da ki bru wym em i sñiawthooh wa ka chnong

September 28, 2025

Ym bien ka yung bichaar wow e jamin ya ka Sonam

September 28, 2025

Ka tarik wa khaddooh wow pynpoi ya ki Application Form da ka Online toh hadooh ka 30 tarik u September 2025 hadooh 5:00 waje i janmiet. Wei yei pyrtuid kiwa chah jied daw pynbna yow yaleh ki ya ka District-Wise Online Examination.

Yow yaleh Online ya ka Form ye wow lai ha uni u link https://tinyurl.com/ihmscholarshipmegh yow Download ya ka Form ye wow lai ha uni u link https://tinyurl.com/ihmscholarshipdocs.

Yei pyrtuid kiwa chah jied khaddooh daw pynmih heini http://www.meghalayatourism.in/ wei waroh iwa da pynbna ye wow pait heini https://cdn.s3waas.gov.in/s31efa39bcaec6f3900149160693694536/uploads/2025/09/17581122802910.pdf.