Jowai: Ka Meghalaya Amateur Muay Thai Association (MAMTA) da pynman ko ya ka 1st Meghalaya State Level Muay Thai Championship 2018 kawa da pynman ha 4 tarik uni u bnai, ha Laitkor Lumheh Community Hall.
Kiwa wan chim bynta ha kani ka lympung da wan ki na kylleiñ ka jylla kam na thaiñ ri-loom Garo, Khasi, Jaiñtia wa Ri Bhoi wei da em leh kiwa wan chim bynta na ki skur.
Ka yalehke Muay Thai toh ka jait yakhun Martial Arts wei da tipmit (Affiliated) ya ka da ka All India Muay Thai & Muay Boran Federation ya kawa da tipmit leh da ka World Muay Thai Boran Federation: Global International Martial Arts Federation.
Ha kani ka lympung da wanrah naam ki le ngut ya ka ri-loom Jaiñtia kiwa kynthup ya kini hawah:
U Hababiangki Biam uwa da yoh takma rupa ha ka kyrdan 58 Kg Senior Men.
U Wandy Jop Shadap da yoh u ya ka takma tama ha ka 65 Kg Senior Men.
Ka Satisfy Syngkon kawa da yoh takma rupa ha ka 57 Kg Junior Girls.
Ya kini ki le ngut da yahkhmat da u Ferdinand Suchiang uwa man kam u Coach yong kini kiwa lai chimbynta.
Discussion about this post