15 49.0138 8.38624 1 0 4000 1 https://wyrta.com 300 0

Hadooh palat 140 tylli ki mukotduma ha Supreme Court pyrchah ya ka CAA

0 Comments

Nadooh wa man aiñ ka Citizenship (Amendment) Act da mih joor i pyrchah na ki seiñ saiñ pyrthai, ki seiñbhalang wa ki bru samen kiwa da pynman ya i yakhih ha kylleiñ ka ri.

I pyrchah da pynman ym du ya i yakhih tangwa da ujor mukotduma leh pyrchah ya ka aiñ ha yung kasari wa khliehdooh ka ri, ka Supreme Court.

Hadooh ynne ka sngi ki mukotduma pyrchah ya kani ka aiñ da palat ki ya ka 140 tylli.

Ya kini ki mukotduma da ujor da ka Indian Union Muslim League (IUML), u heh ka Congress u Jairam Ramesh, u heh ka Rashtriya Janata Dal u Manoj Jha, ka MP ka Trinamool Congress ka Mahua Moitra, u heh ka AIMIM u Asaduddin Owaisi wa kiwi kiwi.

Kawi na ki daw wa da e wow ujor pyrchah yei man aiñ ka CAA toh neidaw wa man ko pyrchah ya ki kyndon ka riti synchaar ka ri.

Ha ka 9 tarik uni u bnai ka SC da kyntait ko u chong bichaar ya ki mukotduma neidaw wa dang em i awri ha kylleiñ ka ri pyrchah ya ka CAA.

Ka SC da chong bichaar ko ya kani ka kaam ynne ka sngi wei dang yang ya ka rai yong ka.

Advertisement ad1

0 Comments

Leave a Reply