Ka Enforcement Directorate (ED) da kem ko ya u Sanjeev Lal uwa man u Personal Secretary (PS) u Montri ka sorkar Jharkhand uwa pait yaka chnat Rural Development, u Alamgir Alam wa u Jahangir Alam uwa kreh yung u Sanjeev ynnin i miet hadien wa yoh ki Rs. 32 klur ka poisa na iwi i yung na Ranchi.
Ya u Sanjeev Lal wa u Jahangir Alam da kem yaki wei da chah pynngat ki hapoh ka Prevention of Money Laundering Act (PMLA).
Ynnin i miet ki Enforcement Directorate da kynreh ko ya iwi i yung ha Ranchi wa sah u Jahangir Alam kam chibynta u takit yei pynemkaam bakla yaka poisa naka State Rural Development Department.
Ka ED da yoh ko Rs. 32 klur ka poisa na i yung u Jahangir wa Rs. 3.5 klur won na iwi won i thaw hawa takit ya ini i kaam wei waroh ka poisa da poi ko Rs. 35.5 klur ya kawa da thap ha ki synduk Tin.
Ini i yoh kem poisa man i heiyatoh wa i takit ya u Virendra K Ram uwa man u Chief Engineer kani ka chnat sorkar ka Jharkhand uwa da dep chah Suspend wa baam tangka u.
Da pynemkaam hadooh 8 tylli ki kor ñiaw poisa wow ñiaw ya kani ka poisa kiwa man da ki kot Rs. 500.
Discussion about this post