Uwi u heh spah uwa em 55 snem i rta da chah thok u hadooh Rs. 4.87 klur wei ini da mih pyrthai i hadien wa uni u bru da ujor u ha ka Telangana Cyber Security Bureau (TGCSB).
Da ong u wa kawi ka kynthai wa tip kam ka Mounica da yaklam ko wa oo lyngba u WhatsApp heiyatoh wa iwi i thaw ha Hyderabad wei da khana ko ya oo hajrong kawi ka Website khayi pateiñ.
Hadien wa batai ko ya oo kajiak da thap poisa u Rs 50,000 wei da yoh lap u 24%.
Hadien wa pah wa phon ko oo da thap u sa Rs 1.5 klur, wei du hapoh chi tayaaw da pynyoo ka Website wa yoh u Rs 3.5 klur.
Heipor wa pyrchang u wow sai, da paan na oo 30% ka dan (Tax) yeiwa da su u Rs 1.33 klur.
Hadien won da phah wow su Rs 1.8 lak neibynta ka VIP Account Upgrade wa sa 15% neibynta wow pynkylla na ka Dollar cha ka Rupee kamtæ ter ter.
Deiwa ngait yeini, uni u heh spah da dooh u hadooh Rs 4.87 klur wei ym em yoh u leh ya ka poisa wa da kular ya yoo heiwa da sñiawthooh u wa da chah thok u, kamtæ da ujor u ha ka National Cyber Reporting Platform.
Ka TGCSB da Register ko ya ka Case hapoh ka Section 66-D ka IT Act wa Section 318(4), 319(2), 338 ka BNS.
Discussion about this post