Uwi uwa chong chnong ka West Jaiñtia Hills da ujor u wa ha ka 13 tarik u July da yoh u yei Message na ki wym tipmit u ha Telegram App kiwa na ka ‘Tradewaltz Finance Company Ltd., (Finance Department)’, heiwa da pyntip cha oo chaphang ka ‘Crypto Mining’ wei kamjooh wow thap poisa (Investment) ha kani ka jait khih.
Uni uwa ujor da ong u wa u khlieh ka Finance Department da pyntipmit u ya idæ kam u Rev. Carrington Louis uwa na Los Angeles Pasadena ‘A’ City heiwa da khana u ya oo wa hap u wow thap poisa ym duna ya Rs. 5,000 heiwa da leh u yeini.
Hadien ini poi ka poisa wa Rs. 9,000 cha ka Bank Account u kam ka nong. Kamtæ uni uwa booh ujor da thap poisa u kawa dapoi Rs. 60 lak hadooh 70 lak.
Manda dep ini yoh email u wa dapoi ka poisa wa Rs. 1,01,50,000 cha oo tangwa manda pait u ha ka Account ym em poi kani ka poisa wei hadien won da chah dawa u wow su $ 4,900 kawa dapoi Rs. 4 lak tam da ka poisa India kawa man kam ka Approval Fee.
Discussion about this post