15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Hadooh T. 1,10,860 kamai ka Film Thong Iong Nga ha ka sngi nyngkong wa pynyoo paidbah
Tam ka Thong Iong Nga ha ka sngi wa nyngkong ya waroh

0 Comments

Shillong: Ka Film Pnar wa tip pyrtuid kam ka Thong Iong Nga da pynyoo paidbah nyngkong ya ka ynne ka sngi ha Bijou Cinema, Shillong wei da man ko kawa jop heiwa hadien wa pynyoo 4 sien ynne ka sngi heipor 11 waje i step, 2 waje i sngi, 5 waje wa 8 waje i miet da kamai ko T. 1,10,860.

Ye u ong wa kani man ko kawa boon dooh wa kamai poisa ha ka sngi nyngkong na ki Film wa pynmih na ri-loom Khasi wa Jaiñtia heiwa ka Film ha chwa ka Thong Iong Nga wa tip kam ka Haban Tony da kamai ko T. 86,000 ha ka sngi wa nyngkong.

Neiliang ka Simi Kongthiang kawa man kam ka Director kani ka Film da ong ko wa heipor 2 waje i ka baiskoop Bijou man ko kawa da dap da chlai.

Chooh chooh da ong ko wa kiwa boon wa wan ynne ka sngi da pyntip ki wa daw yah lang ki wa ki khon ki kti yong ki ha kini ki sngi wow wan.

Da ong ko leh wa boon ki paidbah wa thap kti wa sñiaw suk ki ya ki kyntien kamjooh ya kiwa ak ha kani ka Film kawa man leh ka Film wa nyngkong wa mih na ri-loom Jaiñtia kawa man kam ka Musical Film.

Advertisement ad1

0 Comments

Leave a Reply