Shillong: Ka sorkar India da pynbiang ko wow pynlut sa kamwa T.12000 Klur wow yaleh pyrchah ya i duna baam (malnutrition) ha kini ki le snem wow wan lyngba ki Anganwadi wei khamtam neibynta ki khynnah kynthai.
Hei yaklam wa kiwa pathai khubor ha New Delhi ynnin ka sngi, u Secretary, WCD u Rakesh Srivastava da ong u wa ka sorkar da pynku ko hadooh 33% lada wyrchaw neiwa pynlut ha u snem wa dadep.
Neibynta won ki khynnah kiwa khai khyllood (Adolescent Girls), yeijooh i kaam na 2010 da mang poisa wa T.9900 Klur Crore yow yarap pynbiang baam yow ye kiwa kreh Anganwadi ha kini ki le snem wow wan wei T.2276 Klur won ha kini ki le snem neibynta ki kynthai khai khyllood.
I mang poisa da booh deiwa antaad yei ku dor ki mar baam yow lait u duna poisa.
U Srivastava da pyntip u wa ha ka yalang ki wa tip kam ka National Conference on Malnutrition ki heh district leh da chim ki ya ka rai wow pyndooh yei duna baam ha waroh ki district.
Da phah leh ya ki wow pynman ki ya ka thooh bniah chaphang i chait i khiah ki kynthai wa ki khynnah chisien le bnai wei wow pynduna yeini i duna baam 2% hadooh 3% man u snem.
Kani waroh u haap ko hapoh ko leh ka scheme yong ki Anganwadi neibynta ki kynthai leh kiwa em 11-14 snem ki wym em lai skur wa pait ka scheme ICDS.
Discussion about this post