March 1, 2018

Hadooh T. 64,000 kem ki pulit na kawi ka Gypsy ha Sutnga ha ka 26 tarik

Advertisement ad1

Khliehriat: Ki pulit da pyntip ki wa ha ka 26 Thohlakhmi (Feb) heipor kamwa 9:25 i miet ki pulit ka C/93 Bn CRPF kiwa em ha Khliehriat Higher Secondary School (EJH), da yoh yutip ki wa em i awri awra ha 19-Polling Station, Sutnga (EJH).

Mar yoh yutip ki pulit dalai ki wut wut cha kani ka thaw.

Manda poi ha kani ka thaw ki bru wa em hapoh ka wi ka Maruti Gypsy (ML-04-4779) da yut ki deiwa ieh ki ya kani ka kari chadien.

Hadien ini da kynreh ki ya kani ka kari heiwa da chem ki T. 64,000 ya kawa da suba wa da thmu wow saam neibynta ka Election ka Meghalaya Legislative Assembly 2018.

Neiliang ki pulit da kem ki ya kani ka poisa wa ka kari.

(Feature Image-Representational)