Hadien wa da em wa pyntip cha ki pulit wa em i khayi Drugs wa da wanrah na baar jylla wei kini kiwa khayi da psiah ki hapoh ka West Jaiñtia Hills wei ini i drugs toh neibynta wow dai hapoh ka District.
Kamtæ ki pulit wa kyrpang (Special Team) da kreh ki nadooh i step synyaw wei heipor 1:00 waje ynne i sngi da kynreh ya ar tyli ki kari ha ka thaw pynsangeh kari ka Raliang Out Post wei da chem ya u drug Heroin wa da murieh bha hapoh kawi ka kari wa em ya u Number AS-11U-6392 (Maruti S-Presso) wei da kem leh sa kawi ka kari wa em ya u Number ML-10A-7999 (Mahindra Bolero) wa ya ki soo ngut ki bru.
Hawa kynreh ya ka kari da chem ya 13 tylli ki khieh sabon wa em Heroin wa khia 52 gms kiwa chongdor T. 76 lak. Da kem leh ya 3 tyli ki Mobile Phone waka poisa T. 52,550 na kini ki bru.
Kiwa chah kem toh 4 ngut wa kynthup ya le ngut ki chynrang wa kawi ka kynthai heiwa wei uwi na kini ki chynrang toh uwa na ka District katwa ki le ngut (2 chynrang wa 1 kynthai) toh kiwa na Assam.
Ya kini ki bru da pynngat hapoh ka aiñ NDPS Act.
