Hadooh wa chlai um cha Assam nei tih mooyong pyrchah aiñ ha Meghalaya, paan jubab ka Supreme Court

Ka Supreme Court ynnin da e por ko ya ka sorkar Meghalaya soo tayaaw wow e jubab lyngba ka Affidavit yow khana bniah kammon da leh ki yow khang yei tih mooyong pyrchah ya ka aiñ hapoh Khasi Hills.

Yei bichaar da leh da ka miej wa kynthup ya u Chief Justice, u B R Gavai deilang ki Justice wa kyntup ya u K Vinod Chandran wa u N V Anjaria heiwa da khana yeini da u muktiar, u K. Parameshwar uwa man kam u Amicus Curiae ha kani ka mukotduma heiwa da ong u wa em i tih mooyong laitlan ha ki thaw wa rben ki khloo.

Da khana u leh wa ka Central Empowered Committee (CEC) da lai ko cha kini ki thaw wei da sakhi ki yei boon ki thaw wa tih mooyong khlem wa em kiwa khang yeini. Hadien wa sñiaw yeini, ka yung bichaar da e por ko soo tayaaw ya ka Meghalaya yow e jubab ko kammon wa da leh yow khanglaad yei tih mooyong pyrchah ya ka aiñ.

U muktiar uwa yasaaid neibynta ka Assam da ong u wa neidaw wa tih mooyong pyrchah ya ka aiñ hapoh ka Meghalaya, ka Assam da hap ko wow maad ya chiboon i chlai um iwa da ktah ya kiwa chong chnong.

Related posts

Yap le ngut ki khynroo nei tyrrah ka Scooty ha ka Truck wa yieñ ha rood sarok

July 7, 2026

Takit ki pulit yeiwa poor ha Social Media ya u khynroo ha Shillong uwa da slaitbor ya boon ngut ki kynthai | Ym bien ka kynthai u booh FIR

July 7, 2026

Neiliang u muktiar wa mihkhmat ya ka Meghalaya da ong u wa ka CEC da lai ko cha kini ki thaw ha ka 18 tarik u July wei da kylli ko na ka sorkar jylla hajrong ini wei da e leh yei jubab.

Tangwa ka yung bichaar da ong ko wa ka CEC ym em yoh ko yeini i jubab.

U muktiar ka Meghalaya da ong u wa ka NGT dadep ko wow pynmih ka hukum wa bniah bha heiyatoh wa i tih mooyong pyrchah ya ka aiñ heiwa da ong u leh wa ka sorkar da khang lut ko yei tih mooyong pyrchah ya ka aiñ wei kattæ da tih katkam ka aiñ.

Ka Supreme Court u chong bichaar biang ko ya kani ka mukotduma ha u Naikhynde wow wan.