Uwi u Hindu wa khih wa kreh ha kawi ka karkhana pynmih that ha Bangladesh da chah pynyap u ha ki paidbah du neidaw wa chah pynbaad u wa klam beiñ u ya ka niam Islam.
Uni u bru da tip kam u Dipu Chandra Das (27 snem) wei kreh ha u ka karkhana wa em ha Bhaluka, Mymensingh, da chah dat u hadooh wa yap ha ki paidbah kiwa da looid sula wei kdhoh ki yei metyap u ha uwi u dieñ wei da pteiñ ki wow dat yei metyap wei hadien won theh ki dei phñiang charak yow thang deiwa ya kyriaw ya kbai wow lehkmen yeini.
Katkam ki Video kiwa da poor, da yoo ya u Dipu wa em u hapoh kawi ka Police Station deiwa em boon ki bru ha lait kiwa da kwah wow sai oo tangwa kammon da yoh ki wow sai oo ym pu tip tangwa da bom da dat ki oo hadooh wa yap wei da lai rah ki yei metyap u deiwa kdoh na rdang ha uwi u dieñ.
Ki khubor wa da mih da ong wa neidaw wa em uwi u bru wa pynbaad syndet ya u Dipu wa klam beiñ u ya u Prophet Mohammed, ki paidbah da kyrrup ki oo pyn hapoh ka karkhana tangwa da yoh ki pulit wow pynlait oo heiwa da yasaaid wei kyntait u wa klam beiñ u ya ka niam wei ini toh deiwa chah pynbaad u ha uwi uwa wa ya krehlang ha ka karkhana.
Heiyatoh wa ini da kem ya 7 ngut.
Discussion about this post