Ki bru wa em kamwa 6 ngut kiwa da yieñ hakhmat kawi ka dukan da lait ki nei yap hadien wa wan kawi ka kari kawa kynthiar ya u sarok deiwa lai tyrrah mam ha i chram ka Restaurant.
Ini da jia i hei miet ka 8 tarik uni u bnai heipor 11:34 ha Bengaluru, wei da yoh wow riñ yeini waroh da ka CCTV heiwa da yoo ya kawi ka kari Skoda kawa da wan yow psiah cha u 18th Main Road ka Indiranagar na u sarok khian tangwa kani ka kari la bait ko sak deiwa kynthiar ya u Divider wei heini i por da em leh ar tylli ki Scooty kiwa kat u lait wot nei chah tyrrah wei ki bru leh da yut smat ki yow lait na iwon iwon i jia wa sñiawsih na kani ka kari kawa da hær na suiñ hadien wa tyrrah ko ya u Divider.
Kani ka kari da sangeh ko deiwa tyrrah ko yei chram kawi ka Restaurant wei ki bru wa lait nei mynsoo da wai ki ya ka dwar kani ka kari heiwa da chem wa uwa yah toh uwa da muaid wei ki pulit leh da wan ki ha ini i thaw wei da pynngat ya uwa yah kari hapoh ki kyndon yah kari dei muaid wei deiwa pynhær bha.
Uni uwa yah kari leh da embhah wym em mynsoo u deiwa mih ka Airbag ka kari.
Discussion about this post