Hær ki pulit cha Them Metor hadien wa em i pdung wa joor kam u Bomb

Ynne i miet yong ka 9 tarik da em i pdung wa joor ha Them Iewmawlong, Them Metor wa da suba wa ini toh ye u man wa pdung Bomb.

Katkam wa khana kiwa sah ha Them Metor, da ong wa i pdung toh iwa ood bha heipor kamwa 10:00 waje i miet, wei ha ini i jia uwi u bru wa lai luti da mynsoo u wei da pynkit noh cha Civil Hospital Shillong.

Ini i pdung wa joor da jia i ha kawi ka yung trep wa sap da ka tin wei da chah ktah leh ki kattu katni ki dukan wa ki yung bru.

Mar ya tip yeini wa jia, ki pulit wa ki Bomb Squad da poi smat ki yow pynman yei takit wei da wan leh da u Superintendent of Police ka East Khasi Hills, u Rituraj Ravi yow chim ya ki nongmuna na katai ka thaw.

Neiliang u SP da ong wa ini da jia i hajan kawi ka thaw pynyieñ Bus hajan ka Punjabi Lane heipor kamwa 10:30 i miet.

Related posts

Kem ki pulit ka Nartiang ya uwa pam da ka wait pyn ya ka kurim wa punkhon la 9 bnai

November 1, 2025

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Ini i pdung da jia i hapoh iwi i yung wym em wa sah wei ym tip tikna wa em kiwa mynsoo, tangwa iwa chah ktah na ini wa jia toh deiwa piah ki yit ki kattu katni ki yung wa em chajan wei dang yang yaka bui wa bniah.

Katkam wa man kattæ, da suba wa ini da jia i neidaw wa em u IED Bomb.