Hær rngu ki bru hadien wa chem kuli na i thaw wa em ka Mosque ha Garo Hills | Ngat Case u pulit

Hadien wa sdang wow poor ki parom ha Garo Hills wa pynhær rngu ya ki paidbah neidaw wa chem ya ki riam chipai (Camouflage) wa ki kuli na kawi ka yung ha Williamnagar wa em ha i thaw wa em kawi ka Mosque ha East Garo Hills.

Neiliang ki pulit da pynche ki wa ynne i step ka 13 tarik, da em ki bru wa wan wow pyntip yei chem ya kini ki riam Camouflage deilang ki kuli ha kani ka thaw wa em ka Mosque, kamtæ da lai hiar takit wei da chem wa da em uwi u pulit ka East Garo Hills DEF uwa sah wai u ha kawi ka yung wa em hapoh ka Compound kani ka Mosque.

Uni u pulit toh uwa lai chuti kattæ wei da ieh u ya ki tiar ki tar u ha kani ka thaw wa kynthup nadooh ki Police Uniform wa em ka Name Plate, u Belt, ki Boot, ki Camouflage Uniform, ka Ammunition Pouch heiwa da chem 4 tylli ki kuli.

Neilang u SP ka East Garo Hills, u S.A. Rynjah da ong u wow booh ya ki kuli ha ki thaw sah ki bru samen lait na ka Armoury Kote namo ka thaw booh kuli ki pulit, man ko i wym chah katkam ki kyndon.

Related posts

Mar ya hiar rep chah siat watur wei chah khang wot ki Lapangap

May 18, 2026

I pyntip wa emkaam cha kiwa lai Class XI ha Kiang Nangbah Higher Secondary School, Jowai

May 18, 2026

Kamtæ da kem ya waroh kini ki tiar wei da Register da ka Case pyrchah ya uni u pulit hapoh ki kyndon ka aiñ Arms Act.

Ki pulit da kyntu ki ya ki paidbah wym toh u pynpoor ki ya ki khubor wa yahbakla deiwa booh ki dur ki dar ha ki Social Media deiwa em i thmu wa sih wei ya kitu kiwa leh yeini daw chah pynchitom ki katkam ka aiñ.